ডিজিটেল ডেস্কঃ ঝাৰখণ্ডত পুনৰ আৰক্ষী আৰু মাওবাদীৰ মাজত সংঘৰ্ষ। ৰাজ্যখনৰ সীমান্তৱৰ্তী জামচেদপুৰত এই সংঘৰ্ষ সংঘটিত হৈছে। জানিব পৰা মতে তহলদাৰী আৰক্ষীৰ ওপৰত আচম্বিতে আক্ৰমণ কৰে মাওবাদীৰ এটা দলে। মাওবাদীৰ আক্ৰমণত ছহিদ হ’ল ৫জন আৰক্ষী জোৱান। ছহিদ জোৱান কেইজনৰ অস্ত্ৰ-শস্ত্ৰ মাওবাদীয়ে লুটি লৈ যায়। তদুপৰি এতিয়ালৈ সন্ধান নাই ৩গৰাকী জোৱানৰ। উল্লেখ্য যে যোৱা ২৮মে’ত ঝাৰখণ্ডত সংঘটিত হোৱা মাওবাদীৰ আক্ৰমণত গুৰুতৰভাৱে আহত হৈছিল দেশৰ ১৫জন চি আৰ পি এফ জোৱান। আহত জোৱানকেইজনৰ ভিতৰত আছিল অসমৰ বীৰ জোৱান সুনীল কলিতাৰ লগতে মিজানুৰ ৰহমান আৰু শম্ভুমালা। ইয়াৰে সুনীল কলিতা নামৰ জোৱানজনৰ দিল্লীৰ AIIMS ত চিকিৎসাধীন অৱস্থাতে বৃহস্পতিবাৰে নিশা মৃত্যু হয়।
No comments:
Post a Comment